vahi ḳhvabida ḳhamoshi vahi tarik tanha.i
tumhen pa kar bhi koi ḳhaas tabdili nahin aa.i
agar jaan se guzar ja.un to main uupar ubhar aa.uun
ki lashon ko ugal deti hai dariyaon ki gahra.i
khaḌa hai dasht-e-hasti men agarche naḳhl-e-jan lekin
gul-e-goya.i baaqi hai na koi barg-e-bina.i
mohabbat men bhi dil vaale siyasat kar ga.e ‘aslam’
gale men haar Daale paanv men zanjir pahna.i
Leave a Reply