Kanchan Dobhal
virana gulzar kiya hai
tair ke sahra paar kiya hai
ab samjhi a.ina tha vo
main ne jis par vaar kiya hai
apne gham ka rona ro kar
ḳhud ko hi bazar kiya hai
tum chaho to ja sakte ho
par main ne to pyaar kiya hai
qudrat kyon naraz hai ham se
ham ne kuchh to yaar kiya hai
ye jo ghuum rahen hain in ko
aadat ne lachar kiya hai
ek kahani ek tamasha
ham ne kitni baar kiya hai
Leave a Reply