Viran Sarae Ka Diya Hai

viran sarae ka diya hai

jo kaun-o-makan men jal raha hai

ye kaisi bichhadne ki saza hai

aine men chehra rakh gaya hai

khurshid misal shakhs kal shaam

mitti ke supurd kar diya hai

tum mar gae hausla tumhara

zinda huun main ye mera hausla hai

andar bhi is zamin ke raushni ho

mitti men charagh rakh diya hai

main kaun sa khvab dekhta huun

ye kaun se mulk ki faza hai

vo kaun sa haath hai ki jis ne

mujh aag ko khaak se likha hai

rakkha tha khala men paanv main ne

raste men sitara aa gaya hai

shayad ki khuda men aur mujh men

ik jast ka aur fasla hai

gardish men hain kitni kaenaten

bachcha mira paanv chal raha hai

Leave a Comment