usi ne hijraten kuchh aur bhi bita.i thiin
vo shaḳhs jis ke liye kashtiyan jala.i thiin
mila tha kya tumhin bolo aziim phankaro
mire qalam ne to gum-namiyan kama.i thiin
abhi to haath men hi sang-pare the lekin
sukut-e-ab pe kitni ḳharashen aa.i thiin
uḌa ke barg-e-ḳhizan-dida ki tarah ik roz
usi ne puchha tha phir andhiyan kab aa.i thiin
kisi ko qissa-e-paki-e-chashm yaad nahin
ye anhken kaun si barsat men naha.i thiin
ta.alluqat men sanjida moḌ jab aa.e
to ehtiyaten bahut us ki yaad aa.i thiin
Leave a Reply