Anjum Saleemi
use chhute hue bhi Dar raha tha
vo mera pahla pahla tajraba tha
agarche dukh hamare mushtarak the
magar jo do dilon men fasla tha
kabhi ik dusre par khul na paa.e
hamare darmiyan ik tisra tha
vo ik din jaane kis ko yaad kar ke
mire siine se lag ke ro paḌa tha
use bhi pyaar tha ik ajnabi se
mire bhi dhyan men ik dusra tha
bichhaḌte vaqt us ko fikr kyuun thi
basar karni to mera mas.ala tha
vo jab samjha mujhe us vaqt ‘anjum’
mira me.aar hi badla hua tha
Leave a Reply