un ko roz ik taaza hiila ek ḳhanjar chahiye
ham ko roz ik jaan na.i aur ik naya sar chahiye
iltifat o sargirani par ḳhushi kya ranj kya
kuchh bahana is se baḌh kar dida-e-tar chahiye
kya dikha.en ḳhushk lab do buund ke saaqi hain sab
pyaas sahra-e-azal us ko samundar chahiye
sach ki ik nannhi si konpal ko kuchalne ke liye
jhuuT aur dushnam ke lashkar ke lashkar chahiye
sabr ka daman-e-daulat hai amiron ka amiir
jabr ki daryuzgi ko sainkaḌon dar chahiye
but banane pujne phir toḌne ke vaste
ḳhud-parasti ko naya har roz patthar chahiye
ham ne jis duniya ko Thukraya tha un ke vaste
mil ga.e vo to usi duniya ka chakkar chahiye
Leave a Reply