ufuq ke paar utar ja.un main irada hai
magar ye umr hai kam aur safar ziyada hai
talab ke phuul bichha duun main us ke raste men
vo ek shaḳhs jo sahra men pa-piyada hai
kisi ka naam na tahrir aur na naqsh koi
varaq kitab-e-tamanna ka kitna saada hai
ḳhud apne faisle karne hain zindagi men mujhe
main zindagi se na puchhungi kya irada hai
nahin hai ‘shahida’ kuchh fikr apne gham ki mujhe
mujhe to dusre logon ka dukh ziyada hai
Leave a Reply