Naz Muzaffarabadi
tumhari to bas angḌa.i hui thi
hamari jaan pe ban aa.i hui thi
nazar ke vaar se bachna tha mushkil
musibat gher kar laa.i hui thi
ghazal par main ghazal kahne laga tha
tabi.at mauj men aa.i hui thi
vo ḳhud milne chala aaya tha jis ne
na milne ki qasam khaa.i hui thi
bichhaḌ kar kis tarah milna hai ham ne
use ye baat samjha.i hui thi
yunhi ik roz vo bazar aaya
phir is ke ba.ad mahnga.i hui thi
Leave a Reply