Ambareen Haseeb Ambar
tumhara jo sahara ho gaya hai
bhanvar bhi ab kinara ho gaya hai
mohabbat men bhala kya aur hota
mira ye dil tumhara ho gaya hai
tumhari yaad se hai vo charaghan
ki aansu bhi sitara ho gaya hai
ajab hai mausan-e-be-ikhtiyari
ki jab se vo hamara ho gaya
ik an-jani khushi ke asare men
hamen har gham gavara ho gaya hai
hamen kab raas aa sakti thi duniya
ghanimat hai guzara ho gaya hai
jinhen rahta tha zoam-e-dil-faroshi
unhen ab ke khasara ho gaya hai
Leave a Reply