mubarak-azimabadi

Tum Waqt Pe Kar Jate Ho Paiman Faramosh

tum vaqt pe kar jaate ho paiman faramosh

ye bhuul nahin hoti miri jaan faramosh

mehrab-e-ibadat kham-e-abru hai buton ka

kar baithe hain kaabe ko musalman faramosh

abad rahe shaad rahe yaad tumhari

mujh se nahin hone ki kisi aan faramosh

kab bhulte hain paanv mire dasht-navardi

karte hain kahan haath gireban faramosh

More Poems

Leave a Comment