tum se ruKhsat-talab hai mil jao

tum se ruḳhsat-talab hai mil jaao

koi ab jan-ba-lab hai mil jaao

laut kar ab na aa saken shayad

ye masafat ajab hai mil jaao

dil dhadakte hue bhi Darta hai

kitni sunsan shab hai mil jaao

is se pahle nahin hua tha kabhi

dil ka jo haal ab hai mil jaao

ḳhvahishen be-sabab bhi hoti hain

kya kahen kya sabab hai mil jaao

kaun ab aur intizar kare

itni mohlat hi kab hai mil jaao

Leave a Comment