tum se bhi batchit ho dil se bhi guftugu rahe
khvab o khabar ka silsila yunhi kabhu kabhu rahe
dard bhi haath thaam le zakhm bhi bolne lagen
yaani nihal-e-shakh-e-gham aise hi ba-numu rahe
ishq men ehtiyat hi goya hai pas-e-vaz-e-ishq
chaak hon sad-hazar aur daman-e-dil rafu rahe
tu jo nahin to main nahin main jo nahin to tu kahan
donon tarah thi baat ek main rahun ya ki tu rahe
aur mata-e-jan-o-dil kuchh bhi na mujh ko chahiye
siine men ik charagh sa aankh men ik lahu rahe
ek charagh hans pada taaq men ehtiyat se
aur hava sahm gai phuul ki aabru rahe
ek lakir ro padi donon hatheliyon ke biich
rang-e-hina chhupa gaya haath lahu lahu rahe
Leave a Reply