sahir-ludhianvi

Tum Agar Sath Dene Ka Wada Karo

tum agar saath dene ka vaada karo

main yunhi mast naghme lutata rahun

tum mujhe dekh kar muskurati raho

main tumhen dekh kar giit gaata rahun

kitne jalve fazaon men bikhre magar

main ne ab tak kisi ko pukara nahin

tum ko dekha to nazren ye kahne lagin

ham ko chehre se hatna gavara nahin

tum agar meri nazron ke aage raho

main har ik shai se nazren churata rahun

main ne khvabon men barson tarasha jise

tum vahi sang-e-marmar ki tasvir ho

tum na samjho tumhara muqaddar huun main

main samajhta huun tum meri taqdir ho

tum agar mujh ko apna samajhne lago

main baharon ki mahfil sajata rahun

More Poems

Leave a Comment