parveen-fana-syed

Tujhko Ab Koi Shikayat To Nahin

tujh ko ab koi shikayat to nahin

ye magar tark-e-mohabbat to nahin

meri ankhon men utarne vaale

Duub jaana tiri aadat to nahin

tujh se begane ka gham hai varna

mujh ko khud apni zarurat to nahin

khul ke ro luun to zara ji sambhle

muskurana hi masarrat to nahin

tujh se farhad ka tesha na utha

is junun par mujhe hairat to nahin

phir se kah de ki tiri manzil-e-shauq

mera dil hai miri surat to nahin

teri pahchan ke lakhon andaz

sar jhukana hi ibadat to nahin

More Poems

Leave a Comment