Tujhe Jab Se Ai Shahid-E-Tur Dekha

tujhe jab se ai shahid-e-tur dekha

jidhar aankh Daali udhar nuur dekha

ajab ahl-e-ulfat ka dastur dekha

vafur-e-alam men bhi masrur dekha

jo paaya to ab tujh ko nazdik paaya

na dekha tha jab tak tujhe duur dekha

hui aam aisi tiri jalva-rezi

yahan tuur dekha vahan tuur dekha

basirat miri chashm-e-haq-bin ki dekho

jidhar ruḳh kiya nuur hi nuur dekha

miri danish-o-agahi ka bura ho

tujhe duur samjha tujhe duur dekha

ai ‘za.iq’ na kyon ho ye ab rashk-e-dilli

bhara ahl-e-fan se ye bangalore dekha