Iftikhar Haidar
tu vaj.h-e-zindagi hai javaz-e-hayat hai
vo mujh se kah rahi thi abhi kal ki baat hai
pahle pahal to ham tire dil men muqim the
pahle ki baat aur thi ab aur baat hai
vo ka.enat bhi hai tire husn ki asiir
is ka.enat se jo pare ka.enat hai
vo aa mila hai vaqt ki divar phand kar
ye ishq hai aur ishq dar-e-mumkinat hai
kahta tha jis ko main bhi kabhi husn-e-be-misal
dar-asl be-misal nahin be-sabat hai
tum maut se Darao ya bhuuk aur pyaas se
ḳheme yahin lagenge yahin pe furat hai
barish phuvar raat ki raani hava ka shor
ye raat aaj ki baḌi pur-kaif raat hai
Leave a Reply