Sulaiman Jazib
tu nahin jab se ham-safar mera
rahguzar hai na hai shajar mera
kaun dega yahan mujhe dastar
har bashar chahta hai sar mera
tere jaane se kuchh nahin hota
mujh pe hone laga asar mera
har koi tha sarab men khoya
dekhta kaun phir hunar mera
ajnabi shahr ajnabi galiyan
koi divar hai na dar mera
main bhi ‘jazib’ ajab musafir huun
saath chalta hai mere ghar mera
Leave a Reply