Tariq Jawed
tu jo ab mere muqabil pe khaḌa bolta hai
ye zara mujh ko bata kitna mujhe janta hai
is suhulat se to main saans nahin leta huun
jis suhulat se mira rizq mujhe milta hai
jis se milte ho use apna samajh baiThte ho
ik mulaqat men har shaḳhs kahan khulta hai
is liye ḳhatm nahin hota kabhi ranj-e-hayat
saans leta huun to har zaḳhm hara hota hai
ab mujhe Dhalti hui umr ka afsos nahin
aasra mere buḌhape ka mira beTa hai
Leave a Reply