Anwar Sadeed
tu bhi kar ghaur is kahani par
jo likhi ja rahi hai paani par
ye zamin zar uga.egi ik din
rakh yaqin apni kalba-rani par
us ki be-mehvari pe ghaur na kar
rahm kha us ki be-zabani par
garche mushkil talash thi us ki
ghar tira mil gaya nishani par
un se ma.ani kashid kar apne
naqsh ubhre hain jo bhi paani par
qaa.em ‘anvar-sadid’ ne rakkha
irtikaz apni zindagani par
Leave a Reply