Poet
Thokaren khaya hua patthar ḳhuda hona hi tha
mere gir jaane se us ka qad baḌa hona hi tha
us shajar ke suukh jaane ka sabab tanha.i thi
ik parinda aa ke baiTha to hara hona hi tha
daam kuchh apne ziyada lag rahe the in dinon
phir hamen bazar men sab se juda hona hi tha
ab imarat Dah rahi hai jism ki to ḳhauf kyon
barishon men bhigne ka shauq tha hona hi tha
sab ko hairat hai ki main tujh se bichhaḌ kaise gaya
kuchh na kuchh to is kahani men naya hona hi tha
Leave a Reply