thi chaal hashr men bhi qayamat huzur ki
sach puchhiye to jhenp ga.i aankh huur ki
sach hai ki raz-e-vasl chhupana nahin hai sahl
main kya kahun jo kahti hai chitvan huzur ki
jaane se dil ke kyuun na ho viran bazm-e-aish
shab bhar isi se rahti thi baten huzur ki
ghash aaj aa gaya hai ḳhuda jaane kal ho kya
muusa ab aur sair karo koh-e-tur ki
jannat men puchhte hue ‘javed’ ham chale
dukan kis taraf hai sharab-e-tahur ki
Leave a Reply