Wakil Akhtar
apni na-karda-gunahi ki saza ho jaise
ham se is shahr men har ek ḳhafa ho jaise
sochte chehron pe jalte hue asar-e-hayat
yak-ba-yak vaqt ka irfan hua ho jaise
ye dhundalke ye dar-o-bam ka gambhir sukut
chandni raat men mahtab luTa ho jaise
tujh se milne ki tamanna tiri qurbat ka ḳhayal
reg-zaron men koi phuul khila ho jaise
vahi ḳhubi vahi iḳhlas-o-muravvat ke nishan
Hyderabad ki ik shahr-e-vafa ho jaise
Leave a Reply