Syed Kashif Raza
tha magar itna ziyada to junun-ḳhez na tha
pahle dekha tha to lab hi tha ye labrez na tha
thiin magar itni bhi badmast na thiin ye ankhen
tha magar aankh men surma tira yuun tez na tha
tere phulon se ye ḳhushbu to nahin aati thi
mausam-e-lams se tu qarya-e-zarḳhez na tha
yaad to hai tiri kam-umr nigahon ka fusun
lekin us chashm-e-javan sa sehr-angez na tha
TuuTi paḌti na thiin ankhen miri tujh par aise
gul-ba-daman to tu pahle hi tha gul-e-rez na tha
jaisa mavvaj tha us husn ka dariya ‘kashif’
dil ka tufan koi vaisa bala-ḳhez na tha
Leave a Reply