Teri Duniya Mein Ye Kya Ho Raha Hai

tirī duniyā meñ ye kyā ho rahā hai

hañsī hoñToñ pe hai dil ro rahā hai

havā bad-kāriyoñ kī chal rahī hai

zamīr insāniyat kā so rahā hai

paḌī haiñ ḳhuun kī chhīñTeñ sabhī par

jise dekho vo dāman dho rahā hai

bashar kā ḳhuun hai paanī se sastā

tamāsha ik musalsal ho rahā hai

usī ke munharif ham bhī haiñ ‘qādir’

jo da.avā aaj tak ham ko rahā hai

Leave a Comment