teri dil-navaz baten tiri dil-nashin ada.en
tiri aarzu men kaise na jahan ko bhuul jaa.en
koi giit gunguna.en ki ghazal koi suna.en
tire gesuon ke saa.e men ye soch bhi na paa.en
ye na jaane aaj kis ne dar-e-dil pe di hai dastak
ye jo uTh raha hai tufan ise kis tarah daba.en
ye navazish-e-junun hai ki fusun tiri nazar ka
ye mutalba hai dil ka abhi aur fareb kha.en
tiri anjuman men ab bhi hain ‘shamim’ ajnabi se
kise raz-dan bana.en kise zaḳhm-e-dil dikha.en
Leave a Reply