tere aane ka ehtimal raha
marte marte yahi ḳhayal raha
gham tira dil se koi nikle hai
aah har-chand main nikal raha
hijr ke haath se hain sab rote
yaan hamesha kise visal raha
sham.a saan jalte hilte kaaTi umr
jab talak sar raha vabal raha
mil ga.e ḳhaak men hi tifl-e-sarishk
main to a.ankhon men garche paal raha
samajhiye is qadar na kiije ghurur
koi bhi husn la-zaval raha
tere dar se koi bhi Talta huun
mujh ko har-chand tu to Taal raha
dil na sambhla agarche main to use
apne maqdur tak sambhal raha
phir na kahna ‘asar’ na kuchh sunna
koi din gar yunhi jo haal raha
Leave a Reply