tera va.ada jhuTa nikla
hijr hi aḳhir sachcha nikla
mera aana dil men tere
tez hava ka jhonka nikla
ham ne ḳhud ko barson dekha
sirf nazar ka dhoka nikla
main ne jis ko yaad kiya tha
tere haath ka likkha nikla
indar ki ḳhamoshi TuuTi
dil se shor-sharaba nikla
main samjha tu dukh banTega
tu bhi gham ka maara nikla
jis ke ḳhauf se bhaag raha tha
vo apna hi saaya nikla
Leave a Reply