Seemab Zafar
Talne ke nahin ahl-e-vafa ḳhauf-e-ziyan se
ye bahs magar kaun kare ahl-e-zaman se
rag rag men ravan bahr-e-fughan chaḌh gaya lekin
virani-e-jan kam to hui zikr-e-butan se
roghan na safedi na marammat se milega
ik pas-e-maratib ki gaya sab ke makan se
azar-o-musibat se ilaqa hai purana
rishta hai qadimi mira fariyad-o-fughan se
ghaav bhi zara taak ke yaron ne laga.e
kuchh dil ko bhi nisbat thi bahut nok-e-sinan se
ik gosha-e-dil us ko dikhane ka nahin ye
mahram nahin karna use ik sirr-e-nihan se
sarsabz rahe zaḳhm-e-junun jis ki badaulat
ik rabt to qaa.em hai adu-e-dil-o-jan se
Leave a Reply