Poet
talḳh lahje men bolne vaale
ham hain lafzon ko tolne vaale
ab ḳhasare men hain siyasat ke
apne patton ko kholne vaale
tanz karte hain asmanon par
jo hain shaḳhon pe Dolne vaale
bah ga.e nafraton ke dariya men
rang nafrat ka gholne vaale
ab kahan lahje zafrani se
ras bhi baton se gholne vaale
mera sauda na kar sake ‘shakir’
mujh ko sikkon men tolne vaale
Leave a Reply