Tajribe Kijiye Mazid Nae

tajribe kījiye mazīd na.e

ho bhī sakte haiñ ġham mufīd na.e

āñsuoñ kī ġhizā muhayyā kar

zaḳhm duniyā se kuchh ḳharīd na.e

qais kī saf meñ ham ko shāmil kar

ishq ham haiñ tire murīd na.e

end picture yahāñ pe thoḌī hai

aur abhī ā.eñge yazīd na.e

kaun rishte bahāl kartā hai

raaz ifshā karegī iid na.e

raat hone do phir batā.eñge

zaḳhm kis darja haiñ shadīd na.e

Leave a Comment