Raziq Ansari
tajribe kijiye mazid na.e
ho bhi sakte hain gham mufid na.e
ansuon ki ghiza muhayya kar
zaḳhm duniya se kuchh ḳharid na.e
qais ki saf men ham ko shamil kar
ishq ham hain tire murid na.e
end picture yahan pe thoḌi hai
aur abhi a.enge yazid na.e
kaun rishte bahal karta hai
raaz ifsha karegi iid na.e
raat hone do phir bata.enge
zaḳhm kis darja hain shadid na.e
Leave a Reply