Tabish Ye Bhala Kaun Si Rut Aai Hai Jaani

tabish ye bhala kaun si rut aai hai jaani

sahra men koi reg na dariya men hai paani

ḳhalvat-kada-e-dil pe zabun-hali-e-bisyar

hai surat ganjina-e-alfaz-o-ma.ani

har chand hui is ke evaz dil ki ḳharabi

kya kahiye ki baḌhta raha shauq-e-hama-dani

mujh se miri roti hui ankhen to na chhino

rahne do mire paas miri koi nishani

divar-o-dar-o-bam ki virani ne akasr

ro ro ke kahi mausam-e-rafta ki kahani

Leave a Comment