Tabib Dekh Ke Mujhko Dawa Na Kuchh Bola

tabīb dekh ke mujh ko davā na kuchh bolā

ḳhudā ko sauñp do is ke sivā na kuchh bolā

raqīb jast mirā us ke aage kartā hai

suno to yaaro koī āshnā na kuchh bolā

maiñ jis se pūchhā nishāñ us parī kī manzil kā

vo mere muñh ke ta.iiñ tak rahā na kuchh bolā

maiñ arz kī nahīñ tum mujh se bolte ho kyuuñ

vo itnā kahte hī sun ho gayā na kuchh bolā

Leave a Comment