sunte rahte hain faqat kuchh vo nahin kah sakte
a.inon se jo kahen un ko nahin kah sakte
un ke lahje men koi aur hi bola hoga
mujhe lagta hai ki aisa vo nahin kah sakte
shahr men ek divane se kahalvate hain
ahl-e-pindar mire ḳhud jo nahin kah sakte
yuun to mil jaane ko dam-saz ka.i mil jaa.en
dil ki baten hain har ik se to nahin kah sakte
jaane phir munh men zaban rakhne ka masraf kya hai
jo kaha chahte hain vo to nahin kah sakte
Leave a Reply