Asrarul Haq Asrar
sunta raha hai aur sunega jahan mujhe
yuun rakh gaya hai koi sar-e-dastan mujhe
suqrat kya masih kya zikr-e-husain kya
maazi suna raha hai miri dastan mujhe
be-nur mere ba.ad hui bazm-e-ka.inat
tum to bata rahe the bahut ra.egan mujhe
maujon se ek umr raha ma.arka magar
gharqab kar ga.iin miri gahra.iyan mujhe
kis ko guman tha vaqt ka Dhalte hi aftab
aa kar Dara.engi miri parchha.iyan mujhe
‘asrar’ un ke lab to khulen kuchh javab men
na bhi agar kahenge to vo hogi haan mujhe
Leave a Reply