Shahram Sarmadi
sun rakha tha tajraba lekin ye pahla tha mira
jab kisi ke naam par be-vaj.h dil dhaḌka mira
ik uchaTti si nazar us par ga.i aur yuun laga
kho gaya jaise kahin harf-e-tamanna sa mira
ishq men main bhi bahut mohtat tha sab jhuuT hai
aur ye sabit kar gaya kal raat ka rona mira
ek harf-e-haq ki ta-nok-e-zaban aamad magar
maslahat ḳhamoshi aur amanna-saddaqna mira
apne mehvar par zamin aa.e to lamha bhar sahi
der se ḳhali paḌa hai ḳhaka-e-duniya mira
Leave a Reply