Sukun Nasib Hai Par Apne Ghar Ki Had Tak Hai

Haris Bilal

sukun nasib hai par apne ghar ki had tak hai

koi to hai ki jo divar-o-dar ki had tak hai

main chahta huun ki duniya men kuchh baḌa kar ja.un

mira zamana magar ḳhair-o-shar ki had tak hai

abhi vo chhat pe khaḌe ho ke haath senkte hain

abhi ye aag faqat mere ghar ki had tak hai

koi tulua hua aur dhund chhane lagi

mujhe laga tha andhera sahar ki had tak hai

huzur dusri manzil pe rahna bhi dukh hai

ki ghar ka peḌ bhi mujh par samar ki had tak hai

mire paḌos ke unche chaubaron vaale log

mujhe batate hain duniya nazar ki had tak hai