Azad Husain Azad
suhani yaad ka dhoka na ḳharch ho jaa.e
mira ye aḳhiri sikka na ḳharch ho jaa.e
mujhe hai shauq mira kam-suḳhan kahe kuchh to
use hai fikr ki jumla na ḳharch ho jaa.e
gulab suukh na jaa.e kitab men rakkha
pas-e-naqab hi chehra na ḳharch ho jaa.e
tumhari aankh men is vaste nahin takte
hamari pyaas pe dariya na ḳharch ho jaa.e
na yuun bhi saint ke rakkho ki bhuul hi jaao
paḌa paḌa koi puura na ḳharch ho jaa.e
mujhe ḳhabar hai vo dariya-mizaj aadmi hai
mujh aise dasht ka puura na ḳharch ho jaa.e
Leave a Reply