Sarvat Husain
sub.h ke shor men namon ki faravani men
ishq karta huun isi be-sar-o-samani men
surma jis ke kinaron se palaT aate hain
main ne kashti ko utara hai usi paani men
sufiya tum se mulaqat karunga ik roz
kisi sayyare ki jalti hui uryani men
main ne angur ki belon men tujhe chuum liya
kar diya aur izafa tiri hairani men
kitna pur-shor hai jismon ka andhera ‘sarvat’
guftugu ḳhatm hui jaati hai jaulani men
Leave a Reply