Poet
siyah shaal pe jo ashk kaḌhta hoga
kise ḳhabar thi use mujh se mas.ala hoga
jo mere hote bichhaḌne ki baat karta tha
miri juda.i men ik baar ro diya hoga
zamin pe phaile ye kaghaz gavahi dete hain
vo kuchh na kuchh to mire naam likh raha hoga
faza udaas hai mahtab hai malul ki ab
vo zard chehre ko hathon men bhar raha hoga
main is liye bhi bahut mutma.in thi duuri se
vo duur hoga magar mujh ko dekhta hoga
mujhe bhi dusre kandhe ne kuchh sahara diya
kahin se mauqa use bhi to mil gaya hoga
Leave a Reply