akbar-hameedi

Sharar-e-Sang Jo Is Shor-O-Shar Se Niklega

sharar-e-sang jo is shor-o-shar se niklega

jalus-e-lala-o-nasrin kidhar se niklega

main janta huun ki us ki ḳhabar na aaegi

tanazur us ka magar har ḳhabar se niklega

sabhi asiir hue apni apni sub.hon ke

vo koi hoga jo qaid-e-sahar se niklega

kisi ko apne siva kuchh nazar nahin aata

jo dida-var hai tilism-e-nazar se niklega

jalal-e-husn dikha mere mahtab-e-jamal

tu raushni hai shabon ke asar se niklega

shabon ko jagte ho jis ke ḳhvab men ‘akbar’

vo shahkar kamal-e-hunar se niklega

More Poems

Leave a Comment