Hayat Amrohvi
sham.a-ru jalva-kunan tha mujhe malum na tha
saaf parde se ayaan tha mujhe malum na tha
gul men bulbul men har ik shaḳh men patte men bhi
ja-ba-ja us ka nishan tha mujhe malum na tha
ye ghalat hasti-e-mauhum ko samjhe the magar
aur vatan apna yahan tha mujhe malum na tha
ek muddat haram-o-dair men DhunDa nahaq
sim-bar dil men nihan tha mujhe malum na tha
sach to ye hai ki siva yaar ke jo kuchh tha ‘hayat’
vahm tha shak tha guman tha mujhe malum na tha
Leave a Reply