sham-e-taklif ki duniya men sahar ho to sahi
haa.e kam-baḳht kahin dard-e-jigar ho to sahi
baiThne vaale na baiThenge kabhi mahfil men
o sitamgar tire dil men mira ghar ho to sahi
dil-e-betab ka milna nahin mushkil lekin
haath bhar ka kisi siine men jigar ho to sahi
ham ye samjhenge ki dil tha hi nahin siine men
un ki duzdida nigahon ka asar ho to sahi
chhup gaya ankhon se ik nuur bas itna kah kar
kya batane men harj tha koi ghar ho to sahi
kah ke ye phir ga.i thiin kahkashan se ankhen
tujh se milti hui vo rahguzar ho to sahi
phir dikha.unga main anmol javahar ‘alim’
miri qismat se koi ahl-e-nazar ho to sahi
Leave a Reply