Shabab Aaya taDapne Aur taDpane Ka Waqt Aaya

Poet

shabab aaya taḌapne aur taḌpane ka vaqt aaya

agar sach puchhiye be-maut mar jaane ka vaqt aaya

abhi ji bhar ke pi lo phir na jaane kis pe kya guzre

qarib ab shaiḳh-ji ke va.az farmane ka vaqt aaya

unhen pas-e-haya Thahra to apne paanv larzan hain

hamari jur.aton ka un ke sharmane ka vaqt aaya

ghaTa chha.i barasne ko hain bunden abr-e-nisan se

nahin piite jo nadan un ko samjhane ka vaqt aaya

na ho jaa.e kahin phir aap se tum tum se tu ‘azam’

hudud-e-aql se bahar nikal jaane ka vaqt aaya