Shab Ki Chadar Se lipaT Kar Gham Ka Paikar so Gaya

Poet

shab ki chadar se lipaT kar gham ka paikar so gaya

jitni yaden thiin vo ankhon men chhupa kar so gaya

koi meri bekasi ka is se andaza kare

rakh ke apne sar ke niche raat pathar so gaya

shumi-e-taqdir kahte hain isi ko ghaliban

main uTha to dekhiye mera muqaddar so gaya

allah allah koi is ki be-hisi ko kya kahe

sun ke ta.ane chup raha kha kha ke pathar so gaya

raat thi kitni kaThin is ka na aalam puchhiye

jis se ghabra kar ke nikla ghar ke bahar so gaya

kas qadar tufan tha kal raat bahr-e-dard main

sub.h hote hi vo siine ka samundar so gaya