Poet
saat rangon se bani hai yaad taaza
dhuup likh laa.i mubarakbad taaza
ban ga.i jannat to hijrat kar ga.e hain
nau-ba-nau hai dasht-e-jan abad taaza
lafz o ma.ani ka ziyan hai ḳhud-azabi
lauh-e-dil par hai qalam ki daad taaza
ab-e-taza ḳhanjar-e-ḳhamosh ko de
hai burida lab pe phir fariyad taaza
phir bahane ja.ega laava lahu ka
ḳhisht-e-dil par ghar ki rakh buniyad taaza
be-charaghan bastiyon ko zindagi de
ik sitam aisa bhi kar ijad taaza
aisi chup se aur dil ghuTne laga hai
kuchh to ho ruh-e-nava irshad taaza
Leave a Reply