Hashim Raza Jalalpuri
saari rusva.i zamane ki gavara kar ke
zindagi jiite hain kuchh log ḳhasara kar ke
apne is kaam pe vo raton ko rota hoga
bech deta hai jo zarre ko sitara kar ke
gham ke maare hue ham log magar collage men
dil bahal jaata hai pariyon ka nazara kar ke
phir vahi josh vahi jazba ata hota hai
tum ne dekha hi nahin pyaar dobara kar ke
apne kirdar se duniya ko hila kar rakh de
varna kya fa.eda is tarah guzara kar ke
ham se abad hai ye sher-o-suḳhan ki mahfil
ham to mar ja.enge lafzon se kinara kar ke
Leave a Reply