sar-e-ashjar tahrir hava achchhi nahin lagti
hamen patjhaḌ men gulshan ki faza achchhi nahin lagti
gali-kuchon pe ye kaisa sukut-e-marg taari hai
faza-e-shahr-e-be-saut-o-sada achchhi nahin lagti
pas-e-tasvir ho jab ek rang-e-atish-o-ahan
tiri tasvir ai duniya zara achchhi nahin lagti
vahi hai bhuuk ahl-e-zar ki lekin log kahte hain
bhara ho peT to koi ghiza achchhi nahin lagti
ta.ajjub hai hamen un par jinhen apne gulistan ki
zamin achchhi nahin lagti faza achchhi nahin lagti
adhura hai abhi zauq-e-tamasha-e-jamal apna
koi surat sar-e-shahr-e-vafa achchhi nahin lagti
kare kya charagar aise marizon ka jinhen ‘shahid’
ilaaj achchha nahin lagta dava achchhi nahin lagti
Leave a Reply