poet

Sar Chhupane Ke Liye Chhat Nahin Di Ja Sakti

sar chhupane ke liye chhat nahin di ja sakti

har kisi ko ye sahulat nahin di ja sakti

saans lene ke liye sab ko mayassar hai hava

is se badh kar to riayat nahin di ja sakti

tum ko raas aae na aae miri basti ki faza

yaan kisi jaan ki zamanat nahin di ja sakti

ek muddat ke shab o roz lahu hote hain

tasht men rakh ke qayadat nahin di ja sakti

ziist aur maut ka akhir ye fasana kya hai

umr kyuun hasb-e-zarurat nahin di ja sakti

in darichon se koi mauja-e-khush-kun aae

rahat-e-jan ye ijazat nahin di ja sakti

soz-e-dil tohfa-e-qudrat hai vagarna ‘uzma’

barf ko narm hararat nahin di ja sakti

More Poems

Leave a Comment