Raheel Farooq
saaqi bhale phaTakne na de paas jaam ke
niyyat to bandh sakte hain pichhe imaam ke
qadmon men den jagah hamen ahl-e-karam kahin
ham randgan hain sajda-gah-e-ḳhas-o-am ke
ankhon ki baat chhiḌ ga.i baton ke darmiyan
mai-ḳhane vaale rah ga.e paimane thaam ke
vaa.iz ko unch-nich mohabbat ki kya pata
ye mas.ale nahin ulama-e-kiram ke
kya ḳhuub vahi pir-e-ḳharabat ko hui
jhagḌe hain sab haram halal-o-haram ke
do-char ashk haal pe mere baha.iye
shabnam gire labon pe kisi tishna-kam ke
aata na ho barat sitaron ki le ke chand
ruḳhsar surḳh kyuun hue jaate hain shaam ke
insan hain farishta-o-iblis ham nahin
qaa.il nahin ruku-o-sujud-o-qayam ke
ahl-e-zamana un se na bandhen tavaqquat
ushshaq aadmi hain hasinon ke kaam ke
shahr-e-butan men hain jo dar-e-mai-kada pe dafn
pahunche hue buzurg the ‘rahil’ naam ke
Leave a Reply