poet

Samundar Pur-Sukun Hai Dil Ka Tughyani Nahin Koi

samundar pur-sukun hai dil ka tughyani nahin koi

hava pur-shor hai lekin pareshani nahin koi

taajjub hai to bas apni vafadari ke jazbe par

hamen us ke badal jaane pe hairani nahin koi

tasalsul khvab-e-khush-asar ka yuun tuut jaane par

taassuf hai magar ai dil pashimani nahin koi

ham apne aap hi ke dar pae azar rahte hain

hamara ham se badh kar dushman-e-jani nahin koi

idhar aane se pahle hi hamen malum tha ‘nikhat’

ye vo rasta hai jis raste men asani nahin koi

More Poems

Leave a Comment